Tipo local
Distingue se desde ese punto o eclipse será total, anular, parcial ou se queda fóra da zona útil.
Como funciona TresEclipses
Unha explicación de alto nivel: astronomía precisa, terreo real e unha puntuación pensada para comparar puntos de observación.
1
Astronomía do eclipse
Calculamos a posición relativa do Sol e a Lúa para cada momento e localización. De aí saen o tipo local, os contactos, a magnitude, a obscuración e a duración da fase central.
2
Terreo e horizonte
Empregamos modelos dixitais de elevación para estimar que parte do ceo queda visible desde o punto de observación e que obstáculos do terreo aparecen en cada dirección. Non se teñen en conta árbores, edificios nin outras estruturas artificiais.
3
Traxectoria sobre o relevo
Cruzamos a traxectoria do Sol e a Lúa co perfil do horizonte. Así detéctase se unha montaña pode tapar o Sol durante o máximo ou antes da totalidade.
4
Score de visibilidade
O resultado resúmese nunha puntuación de 0 a 100. É unha guía para comparar lugares, non unha garantía de meteoroloxía, acceso ou seguridade.
5
Simulación visual
A vista de horizonte permite entender como se moverán o Sol e a Lúa desde ese punto concreto e que momentos cómpre vixiar.
Do mapa ao horizonte
Dúas vistas para tomar mellores decisións
Primeiro comparas zonas co mapa de score. Despois baixas ao perfil do horizonte para ver se o Sol queda realmente libre nos momentos importantes do eclipse. En pantallas grandes podes ver as dúas vistas á vez. En pantallas pequenas podes alternar entre vistas co botón das dúas frechas, arriba á dereita.
Miradoiros
Atopa os mellores miradoiros de cada zona
O simulador mostra os dez miradoiros con mellor score dentro da zona que estás vendo. Podes abrir cada un para comparar score, duración da totalidade, obscuración e visibilidade do terreo, e gardar os que che interesen para o día do eclipse.
- Score calculado con astronomía real e horizonte de terreo de cada miradoiro
- Compara canto duran a totalidade ou a anularidade en cada punto
- Garda os teus favoritos e tenos á man o día do eclipse
Que hai dentro do score
Unha guía para ordenar opcións
O score non decide por ti. Reduce unha situación complexa a un sinal fácil de ler para que poidas elixir, comparar e preparar alternativas.
Duración
Valora canto dura a fase central cando hai totalidade ou anularidade.
Cobertura
Ten en conta a magnitude e a obscuración: canto chega a cubrir a Lúa do disco solar.
Horizonte real
Cruza a traxectoria do Sol con montañas e relevo para estimar se os momentos clave serán visibles.
A última comprobación sempre é práctica
Antes de viaxar, revisa a previsión meteorolóxica, o acceso, os permisos, a seguridade viaria e as condicións reais do lugar. TresEclipses axuda a elixir mellor, pero non substitúe a planificación sobre o terreo.